बुलढाणा, (जिमाका) दि. 3 : सन 2025-26 च्या खरीप हंगामातील बुलढाणा जिल्ह्यातील 1 हजार 420 गावाची सुधारीत पैसेवारी सरासरी 49 पैसे इतकी जाहीर करण्यात आली आहे. यातील 1 हजार 122 गावांची खरीप हंगामाची पैसेवारी 50 पैशांपेक्षा कमी आहे. तर 298 गावांची पैसेवारी ही 50 पैशांपेक्षा जास्त आहे.
50 पैसेपेक्षा कमी अंतिम पैसेवारी असलेले गावे : बुलढाणा तालुक्यात 98, चिखली येथे 144, देऊळगाव राजा येथे 64, मेहकर येथे 161, लोणार येथे 91, सिंदखेड राजा येथे 114, मलकापूर येथे 73, नांदुरा येथे 112, खामगाव येथे 146, जळगांव जामोद येथे 119 असे एकूण 1 हजार 122 गावांची पैसेवारी ही 50 पैशांपेक्षा कमी आहे.
50 पैसेपेक्षा जास्त अंतिम पैसेवारी असलेले गावे: मोताळा येथे 120, शेगांव येथे 73 व संग्रामपूर येथे 105 असे एकूण 298 गावे गावांची पैसेवारी ही 50 पैशांपेक्षा जास्त आहे.
